اللهم افتح علينا حكمتك.. و انشر علينا رحمتك يا ذا الجلال و الإكرام..
و صل اللهم و سلم على حبيبنا و نبينا محمد و على آله و صحبه أجمعين..
مش عارف ليه دايما بلاقي صعوبة شديدة في اني ابدا الموضوع اللي عاوز اتكلم فيه النهاردة...
دايما باقف قدام عقبة كبيرة.. و هي ازاي أعالج موضوع الناس اعتبروه من المسلمات.. من غير مايبصوا عليه.. سمعوا عنه كلام كتير.. لكن اللي فكروا يتحققوا بنفسهم.. قليلين..
دايما باقف قدام عقبة ان الإنسان مايقدرش يفهم أي تجربة إنسانية.. إلا لو عاشها بنفسه
تخيل معايا مدى صعوبة اني أتكلم عن تجربة انسانية.. ماهياش مجرد قصة حياة انسان.. بل هي قصة حياة "الإنسان".. قصة حياة البشرية.. الطريق اللي ربنا اختاره لكل الناس و قالهم ده الطريق اللي يوصل لي.. عشان ماتضيعوش في متاهات الحياة..
و مدى صعوبة اني اتكلم عن إنسان.. حبه مرتبط بحب الله سبحانه و تعالى..
تخيل معايا.. و اسأل نفسك.. ايه أغلى حلم عندك في الحياة.. (و هو سؤال صعب.. لأننا للأسف.. بقينا أمة مابتحلمش.. ) .. لكن تعالى نفترض ان عندك حلم.. و مش عارف تحققه ازاي.. و فجاة لقيت شخص بيدلك الطريق منين.. و تعمل ايه.. و تروح فين.. و ايه اللي محتاجه عشان تحقق الحلم ده.. ياترى.. يبقى شعورك ايه تجاهه؟
النهاردة بنتكلم.. عن "أعز الناس".. أغلى الناس.. أحب الناس..
من دل الناس على طريق مرضاة الله سبحانه و تعالى..
محمد.. صلى الله عليه و على آله و صحبه و سلم..
تعرفه؟
لمشاهدة النص الكامل من هنا
و للتحميل : ملف وورد 2007 مضغوط هنا
وpdf من هنا
Atom Feed (xml)
2 comments:
ماشاء الله بجد . ايه التطور الجامد ده ياداليا يامصريه . وكويس كمان ان انتى حطيتى اسمك الحقيقى ع المدونه ده بيدى مصداقيه اكتر . انا كمان عملت كده . بس بجد ربنا يوفقك . شكل المدونه الجديد تحفه وهايل . وبخصوص الموضوع ده . اكتر من رااااااااااااااائع .
تحياتى ياداليا وبالتوفيق
اعز الناس بقى ومين بقى
ما كله راااااااااااااااااااح
موضوع هايل
هايل
هايل
هايل
هايل
Post a Comment