لم و لن نصمت

لو متكلمناش
-----

لو متكلمناش عن نفسينا ...
هنلاقى مين يتكلم مين ؟؟!!


لما صرخنا و قولنا الآه ..
لما بكينا بألم و أنين ..
لما تاه لينا حلم زمان و الا اتنين ..
لما نقشنا جراحنا بدموع العين

***

لو دورنا شمال و يمين ...
هنلاقى مين يتكلم مين ؟؟!!



على أيام رميناها ورانا ..
على انسان مبقاش جوانا ..


أصل احنا كدة مش عايشين ..
احنا كدة دايما خايفين ..
ماشيين بنبص و مش لاقيين ..
و مش هنلاقى حد يتكلم تانى ..
و لا عنا و لا ع التانيين


***

و لو متكلمناش عن نفسينا ...
هنلاقى مين يتكلم مين ؟؟!!


-----------------------


هل أصبحنا ..
لا نرى .. لا نسمع .. لا نتكلم ؟؟

هل التجأنا إلى سياسة الصمت ؟؟

أم ماذا ؟؟



ألم نقرأ أو نسمع عن حديث رسول الله ( صلى الله عليه و سلم ) : " من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه .. و ذلك أضعف الايمان )


أين نحن من ذلك ؟؟
لماذا نركن إلى الصمت مهما واجهنا فى حياتنا ؟؟
حتى و لو كان أمرا هينا ..
نجد نفسنا عاجزين عن فعل شئ لتغييره و لمواجهته ... سوى الصمت



انها دعوة ..
لكى نقوى إيماننا ..
و نترك صمتنا ..
و نخرج من ثُباتنا و سكوتنا ..
فى حياتنا الخاصه و العامه ..
فى الحياه الاجتماعيه و السياسيه و ...
فى حياتنا الفرديه و الجماعيه


هيا بنا ..
لنتكلم ..
لنعبر بأقلامنا ..
و أفواهنا ..
لعلنا نستطيع أن نحدث التغيير ..
أو ربما كنا سببا مساعدا لحدوثه


و حتى لو نملك التغيير ..
فما زالت لدينا القدرة على التعبير ..

لم و لن نصمت

أعز الناس بقلم أحمد بحيرى

بسم الله و الحمد لله.. و الصلاة و السلام على رسول الله..
اللهم افتح علينا حكمتك.. و انشر علينا رحمتك يا ذا الجلال و الإكرام..
و صل اللهم و سلم على حبيبنا و نبينا محمد و على آله و صحبه أجمعين..

مش عارف ليه دايما بلاقي صعوبة شديدة في اني ابدا الموضوع اللي عاوز اتكلم فيه النهاردة...
دايما باقف قدام عقبة كبيرة.. و هي ازاي أعالج موضوع الناس اعتبروه من المسلمات.. من غير مايبصوا عليه.. سمعوا عنه كلام كتير.. لكن اللي فكروا يتحققوا بنفسهم.. قليلين..
دايما باقف قدام عقبة ان الإنسان مايقدرش يفهم أي تجربة إنسانية.. إلا لو عاشها بنفسه

تخيل معايا مدى صعوبة اني أتكلم عن تجربة انسانية.. ماهياش مجرد قصة حياة انسان.. بل هي قصة حياة "الإنسان".. قصة حياة البشرية.. الطريق اللي ربنا اختاره لكل الناس و قالهم ده الطريق اللي يوصل لي.. عشان ماتضيعوش في متاهات الحياة..

و مدى صعوبة اني اتكلم عن إنسان.. حبه مرتبط بحب الله سبحانه و تعالى..

تخيل معايا.. و اسأل نفسك.. ايه أغلى حلم عندك في الحياة.. (و هو سؤال صعب.. لأننا للأسف.. بقينا أمة مابتحلمش.. ) .. لكن تعالى نفترض ان عندك حلم.. و مش عارف تحققه ازاي.. و فجاة لقيت شخص بيدلك الطريق منين.. و تعمل ايه.. و تروح فين.. و ايه اللي محتاجه عشان تحقق الحلم ده.. ياترى.. يبقى شعورك ايه تجاهه؟

النهاردة بنتكلم.. عن "أعز الناس".. أغلى الناس.. أحب الناس..

من دل الناس على طريق مرضاة الله سبحانه و تعالى..

محمد.. صلى الله عليه و على آله و صحبه و سلم..
تعرفه؟

لمشاهدة النص الكامل من هنا

و للتحميل : ملف وورد 2007 مضغوط هنا

وpdf من هنا

الأمن و الأمان

الأمن و الأمان
-------

------------------
شاهدوا هذا الفيديو

http://www.youtube.com/watch?v=MBJhZn50Skg&eurl=http://www.tortureinegypt.net/video

و لمشاهدة المزيد من الفيديوهات تفضلوا بزيارة الموقع التالى

http://www.tortureinegypt.net/video

---------------------------------------------------------------

و برغم كل ما فيكى ..
برضه بحبك يا بلدى .. و بموت فيكى

------------
بهذا ..
تكون النهاية لملف ( حلوة يا بلدى ) ، و ملف ( الأمن و الأمان )

و أراكم فى تدوينات أخرى بإذن الله
دمتم بكل خير
و السلام عليكم و رحمة الله و بركاته

إنه لشئ رائع أن نتحدث عن كل ما هو جميل فى بلدنا الحبيبة ...
لكننا ينبغى علينا ألا ننسى أو نتناسى كل ما ينتقص من هذا الجمال ..

لذلك كان ملف ( حلوة يا بلدى)



و ختاما لهذا الملف و الذى بدأته بالحديث عن ... طوابير المحروســة

سأتحدث - فى عجالة - عن بعض ما ينتقص من جمال بلدى ...

أطفال الشوارع

فى مرة و أنا معدى ..

بصيت جنبى ..

لاقيت طفل حزين

طبطبت عليه بحنين ..

قال دة اللى كنت عايزة من سنين

لمسة ايد بحنين !

و كلمتين حنينين مش ناشفين !!

آه يا زمانى .. ليه تقسى عليه ؟

هوه كان عملك إيه ؟؟

دة طفل .. لا بيه و لا عليه

أمال هتعمل معانا إيه .. ؟

مشيت معاه و أنا إيدى فى إيديه ..

لاقيته بيبص حواليه ..

قلت له : فى إيه ؟!

و بتدور على إيه ؟؟

قال : على كلب

كلب !!!

و هتعمل بيه إيه !!

قال : أصله بينام معايا ..

بيبات و يقوم ويايا

أمال فين البنى آدمين

اللى سايبين أطفال بالملايين

ماشيين فى شوارع تايهين

مش يعملوا ليوم الدين

لمّا يقابلوا رب كريم

كفاية كلام .. قلبى بقى جرحه أليم

كفاية جراح و آلام و أنين

فعلا ... كفاية ..

كنت أود أن أتحدث أيضا عن الأمن و الأمان

و لكن اسمحوا لى أن اجعله ملفا مستقلا ...

فإلى لقاااااااااااااااااااااااااااااااااااااء

تابع :- حلوة يا بلدى بس ... الحلو ما بيكملش 2

عودة إلى الطوابير
=0=0=0=0=0=

اسمحوا لى أن اتخطى فى حديثى عن الطوابير كلا من:-
طوابير المجمعات الإستهلاكية - و الطوابير أمام المصالح الحكومية

و ذلك لأنه - و بلا شك - فإن لم يكن قد عشتم بأنفسكم هذا الواقع .. أو حتى على الأقل قد شاهدتموه ... فبالتأكيد يعرفهم الجميع

و سأتحدث اليوم عن نوع آخر من الطوابير و هو( إن جاز لى التعبير ) :-

{ طابور البطالة }

و المتمثل فى تسكع الشباب فى شوارع المحروسة بلا أى هدف ...

و جلوسهم على المقاهى ... ... ...

بدون أى هدف ...

إلا إذا اعتبرنا أن شرب السجائر و الشيشة ....

و الفرجة على اللى رايح و اللى جاى ...

من الأهداف المهمة التى تمنحها (مصرنا الحبيبة) إلى أبنائها بعد تخرجهم من الجامعات ...

حتى لا يصبحوا بلا شغلة و لا مشغلة !!!

و مع كل ذلك ... ...

حلوة يا بلدى

و إلى لقااااااااااااااااااااااااااااااااااااااااااااااااااااااااااء

تابع :- حلوة يا بلدى بس ... الحلو ما بيكملش

كنت ناوية زى ما أنا وعدت أن أكمل الكلام عن باقى الطوابير فى بلدى الحبيبة

و لكن اسمحوا لى بفاصل قبل أن أواصل كلامى ...

و اسمحوا لى أيضا بأن أعنون فاصلى تحت :-

من واقع التجربة

======

قضى القدر بأن أذهب مع أمى الى طابور العيش ...

و يا له من قدر ...

فقد ذهبت الى الطابور الذى وقفت فيه حوالى ساعة أو أكثر ...

لأسمع من يسب و يلعن حاله ، و ما قد أضطره للوقفة فى هذا الطابور...

و أسمع ...

_ يا جماعة الرحمة شويه كدة ما ينفعش ...

_ و الله قولت أرحم الولية من الأرف دة .. و الواحد عنده شغل و ما فيش فايدة ...

_ يا بنتى ادينى بربع جنيه بس و امشى ... عشان مش قادرة ااقف ...

ما بديش غير بجنيه ... و اقفى فى الطابور ...

_ هوه الواحد دايما يلاقيه زحمة كدة ... مفيش فى يوم نيجى نلاقيه رايق ...

_ عارفة ما فيش فايدة ... انا جوزى نزل الساعة ستة الصبحعشان يجيب العيش نعمله سندوتشات للعيال ... و برده لاقاه زحمة ...ما الفينو غلى ها نعمل ايه ...

هوه الفينو بس اللى غلى ما كل حاجة غليت ... ربنا يسمحهم ...

_ معلش يا بنى اقف فى طابور الرجالة و جيب انت كمان بجنيه ... ها نعمل ايه يا بنى ... يلا ما هو ما فيش فايدة ... أصله ان عمرى ما وقفتوا فى طابور عشان صغير ... بس اعمل ايه ما الواحد مش ها يقدر ينزل كل يوم ... من ساعت ما عملوا الاكشاك تبيع بدل الافران و هما ما بيدوش الا بجنيه بس ... ربنا يسامحهم ...

فعلا ربنا يسامحهم ...

و برده ( حلوة يا بلدى )

انتهى الفاصل ...

و سنتابع باقى الطوابير عما قريب ...

شكرا ...

و الى لقااااااااااااااااااااااااااااااااااااااااااااااااااااااااء

حلوة يا بلدى بس ... الحلو ما بيكملش

قالها عادل امام زمان (دى بلد شهادات صحيح ) و دة كان فى مسرحيته

الشهيرة مع الفنان فؤاد المهنس

و لان الزمن بيتغير فكان طبيعى ان المقولة تتغير لتصبح ..دى بلد طوابير صحيح

فبدءا من طوابير العيش

و ما زال للطوابير بقية ... ما دام للعمر بقية

تحياتى و ألقاكم فى أقرب وقت ان شاء الله

حلوة يا بلدى

*** ***

حلوة يا بلدى بأهلك و ناسك

و لو حتى دوستينى بمداسك

حلوة برضايا و غصب عنى

ما انتى بلدى و همك همى

حلوة و أحلى ما فيكى

انك بلدى ... و خايفة عليكى

الى كل بنى آدم

الى كل بنى آدم على وجه الكرة الأرضية ..

معكم بنى آدماية مصرية ..

حابة ابعتلكوا أجمل سلام و تحية ..

و كل سنة و أيامكوا سعيدة و هنية ..

بمناسبة راس السنة الهجرية ..

*** *** ***

تحياتى للجميع ...

طبتم و طاب مثواكم ...

والى لقااااااااااااااااااااااااااااااااااااااااااااااااااااء (ان شااااااااء الله